salceda 2017

Salceda de Caselas

Salceda convértese, esta fin de semana, na induscutible capital galega da camelia

Salceda de Caselas será esta fin de semana, un ano máis, a capital induscutible da camelia de Galicia coa celebración, os días 23 e 24 de marzo, da XI Xornada da Camelia que foi presentada, na mañá de hoxe, na Casa da Cultura Castelao. 75 expositores e expositoras chegados de todos os puntos de Galicia, Portugal e Asturias, amosarán para goce dos visitantes máis de 500 variedades desta flor nunha exposición que se estenderá ao longo de máis de 160 metros cadrados.

Salceda mellorará o 'Camiño da Procesión' en San Xurxo

O Concello de Salceda solicitou, a través das axudas do Plan Marco 2019-2020 a mellora do 'Camiño da Procesión' de San Xurxo, que poderá así ser ancheado e asfaltado, xa que na actualidade non se atopa en moi boas condicións. Trátase dun vial de a penas 130,50 metros de lonxitude, ubicado nunha parte fundamental da parroquia de San Xurxo.

Picoña reforestará os seus montes queimados con 600 árbores autóctonas

O vindeiro sábado 16 de marzo, entre as 10 e as 14 horas terá lugar unha xornada de reforestación nos montes comunais da parroquia de Picoña, a máis afectada pola vaga de lumes do 2017 no Concello de Salceda de Caselas. A reforestación levarase a cabo mediante voluntariado, que se pode anotar xa por correo electrónico en Este enderezo de correo está a ser protexido dos robots de correo lixo. Precisa activar o JavaScript para velo., ou presencialmente na Casa da Cultura Castelao de Salceda de Caselas.

MS lamenta que a “pinza” PP-PSOE poida deixar sen cobrar a provedores do Concello

O Equipo de Goberno do Concello de Salceda (Movemento Salceda) asegurou "lamentar"  o acontecido na Comisión Informativa celebrada o pasado 4 de marzo, onde "de novo se aliaron os grupos da oposición –PP e PSOE– para votar en contra do Recoñecemento Extraxudicial de Crédito que permitiría o pago de 998.883,87 € a diferentes provedores do Concello de Salceda", afirma o Goberno local.

O Entroido de Salceda propón unha viaxe no tempo coa «Orquesta Sur»

O Entroido de Salceda, con preto de século e medio as súas costas supón, non só unha festa popular de primeira magnitude á que se achegan, ano tras ano, miles de persoas chegadas dende todos os puntos do sur de Galicia, senón tamén un traballo continuo e constante de recuperación de tradicións no que se involucra, de xeito activo, a veciñanza orgullosa do seu pasado e da súa herdanza.

O C.B. Caselas Senior, campión de liga

Neste mundo do deporte, e sobre todo do baloncesto, hai partidos que crean afición ou, dito doutro xeito, "hai partidos e Partidos". O que este sábado protagonizaron os equipos senior do C.B. Caselas e Seis do Nacal, entra nesa última categoría de "... e Partidos". Non faltou de nada para o afeccionado: dous equipos que chegaban igualados á derradeira xornada da liga regular, que foron protagonistas dun partidazo e, para dar emoción ata o final, nada decisiuse ata o tempo engadido da prórroga. O dito... partidos e Partidos.

Suscribirse a este canal RSS