O Porriño pecha os Campamentos de Verán nos que participaron 240 nenos e nenas

A concelleira de Benestar e Igualdade do Concello do Porriño, Soledad Girón, entregou os diplomas ás nenas e nenos que participaron nos Campamentos de Verán do Concello, este ano. En total, sinala a concelleira, foron 240 participantes que puideron gozar durante 6 semanas de actividades coma xogos, deportes, excursións, ou saídas ao Museo do Mar de Galicia ou á Praia de Alcabre, en Vigo.

  • 0

Arrancan as obras do novo Parque da Auga da Pesqueira en Mos

A alcaldesa de Mos, Nidia Arévalo, vén de dar conta do "inminente inicio" das obras do Parque da Auga da Pesqueira, xunto ao paseo do Louro ao seu paso pola parroquia de Mos, obra na que se investirán un total de 180.000 euros e que constituirá unha nova área de lecer para a veciñanza con zonas de descanso, xogo e deporte para nenos e adultos, nun lugar moi transitado por veciñas e veciños ao estar a carón do paseo do Louro.

  • 0

Curso de «Loxística e Carrerilla Elevadora» para desempregados no Porriño

A Concellería de Formación e Emprego, que dirixe Soledad Girón, impulsa, por medio do «Plan Porriño Accede», un Curso de Loxística e carretilla elevadora que ten coma destinatarias a veciñas e veciños do Porriño que sexan demandantes de emprego. Como sinala a concelleira, o prazo de inscrición para as interesadas e interesados en participar neste curso péchase nas vindeiras semanas.

  • 0

A piques de rematar os traballos de recuperación da antiga escola de Atios

Os traballos de recuperación da antiga Escola Unitaria de Covelo, na parroquia de Atios, están chegando á súa finalización logo dun traballo levado a cabo polas Concellerías de Vías e Obras, que dirixe Manuel Carrera, e de Emprego e Formación e Benestar, que xestiona Soledad Girón. Precisamente, a Concellería de Vías e Obras vén de rematar a colocación das fiestras, portas e persianas no inmoble, cun investimento total de 24.000 € con cargo ao «Plan Concellos» da Deputación de Pontevedra.

  • 0

O Club Baloncesto Caselas organiza o «II Torneo 3x3 Insectos»

Por segundo ano, e logo do bo resultado da primeira edición, o Club Baloncesto Caselas, en colaboración co Concello de Salceda de Caselas e as Escolas Deportivas Municipais (EDM), organiza o «Torneo 3x3 Insectos» que se desenvolverá o día 8 de setembro no Pavillón Municipal de Salceda de Caselas e que se disputará nas categorías senior, junior, infantil e minibasket.

  • 0

As obras de saneamento do campo do Atios, no Porriño, rematarán neste mes

A Concellería de Vías e Obras, que dirixe Manuel Carrera, está realizando dende hai unha semana os traballos para levar o saneamento aos novos vestiarios e aos baños públicos do Campo de fútbol de Atios. Carrera apunta que as obras contan cun orzamento total de 30.000 € e abranguen o ancheamento da estrada, dende a popularmente coñecida como «chegada do Carballo» ata a Travesía de Novás, un treito de máis de 200 metros, “o cal mellorará a entrada e saída de vehículos dende o campo de fútbol”.

  • 0
Suscribirse a este canal RSS