Rematadas as obras na Fase V de Torneiros no Porriño

As obras iniciadas hai unhas semanas na Fase V de Torneiros están rematadas. A alcaldesa do Porriño, Eva García de la Torre, visitou o lugar no que puido comprobar que o resultado das mesmas. Os traballos, segundo sinala o Concello porriñés, solucionaron “varios problemas graves de seguridade e salobridade” que estaban a sufrir os veciños dun dos edificios desta parroquia. A día de hoxe está impermeabilizada a terraza,os muros e rehabilitouse a entrada ao garaxe.

Oposición das comunidades de augas ao macrocentro comercial da cidade deportiva do Celta

Os representantes das catro comunidades de usuarios de auga de Casal-Tameiga, Monte Baxiña, Sanguiñeda e Petelos-Tameiga, e a Comunidade de Montes Vecinaies en man común de Tameiga-Mos, veñen de esixir, nun comunicado de prensa, "a retirada da modificación puntual número un, do PXOM, que daría via libre a Mouriño e Nidia Arévalo, para expropiar o monte e a auga." A esixencia desta retirada da modificación do PXOM, foi tamén demandada por tódolos grupos da oposición no último preno municipal do pasado 28 de xaneiro.

Caballero acompañará a Verónica Tourón na súa presentación como candidata do PSOE de Salceda

O secretario xeral do PSdeG-PSOE, Gonzalo Caballero, participará no acto de presentación da candidata socialista á alcaldía de Salceda de Caselas, Verónica Tourón, acto que terá lugar este vindeiro domingo, 17 de febreiro ás 18 horas no Auditorio Municipal.

Verónica Tourón, que acadou o apoio unánime da Asemblea Local celebrada o mes de xaneiro para encabezar a candidatura socialista, estará acompañada tamén polo secretario provincial do PSOE, David Regadas e a presidenta da Deputación de Pontevedra, Carmela Silva.

O Porriño instala un quentador de auga e calefacción na unitaria de Mosende

A alcaldesa do Porriño, Eva García de la Torre, xunto coa concelleira de Educación, Lourdes Moure, vén de visitar a Escola Unitaria de Mosende onde o Concello colocou un quentador de auga e un sistema de calefacción. A escola, subliña a alcaldesa “carecía de calquera instalación para que as nenas e nenos estivesen quentes”. En menos dunha semana o Concello dispuxo os mesmos, investindo uns 6.000 €, e “agora os pequenos xa no pasan frío xa que mesmo tiñan que estar na clase cos abrigos e as cazadoras postas e non podían nin lavarse as mans porque a auga saía conxelada da billa”.

Eva García visita as obras das novas dotacións deportivas da Granxa

A alcaldesa do Porriño, Eva García de la Torre, que dende hai menos dunha semana é tamén a máxima responsable da área de Deportes do Concello, visitou este mércores as obras da novas instalacións de atletismo da Granxa. As mesmas, que contarán cun orzamento de 1 millóns de euros, serán unha realidade grazas a unha achega de 800.000 € por parte da Deputación de Pontevedra que, coma todas as inversións do organismo provincial no Porriño, foron asinadas pola propia alcaldesa.

Always Tenis de Mesa de Mos participará no torneo estatal de Valladolid

Samuel Pereiro Costas, propietario de Always T.M. de Sanguiñeda acompañará como Adestrador Nacional de Tenis de Mesa, ao xogador da categoría benjamín Brais Díaz do Club CRC Porriño, clasificado como 3º no Torneo Zonal da Estrada e 15º no Ránking español, para participar no Torneo Estatal que terá lugar do 15 ao 17 de Febreiro no Pavillón de Pisuerga (Valladolid) onde estarán os mellores xogadores benjamines de España, en competición individual por grupos segundo Ránking, e eliminatorias os mellores dos grupos.

Suscribirse a este canal RSS