Gondomar

Obradoiros de percusión e skateboard para a mocidade en Gondomar

A concellería de Xuventude do Concello de Gondomar, dirixida por Nuria Lameiro, oferta a mocidade para o mes de agosto dúas actividades de ocio alternativo, lúdico e con marcado carácter xuvenil.
Comezaremos do 1-5 de agosto cun obradoiro de percusión dirixido a mozos e mozas entre 10 e 20 anos. A través de elementos como bidóns, cubos de pintura, botellas, latas de conserva os participantes aprenderán a facer unha batucada dando a coñecer a infinidade de elementos que poden ser empregados como instrumentos musicais.

  • 0

Gondomar recupera este domingo a Festa da Rosquilla

As localidades de Gondomar (Galicia) e Gondomar (Portugal) reactivarán este domingo a súa alianza, paralizada desde hai 23 anos, cun acto institucional de irmandamento previsto para as 11 horas na praza do Concello. A corporación da Cámara Municipal de Gondomar encabezada polo seu alcalde, Marcos Martín, asistirá á recepción institucional ofrecida polo rexedor Paco Ferreira e a súa corporación. Aos actos acoden a presidenta da Deputación, Carmela Silva, varios alcaldes da zona e están convidados a subdelegada do Goberno e representantes da Xunta.

  • 0

Os responsables de ACOUGA, asesorarán este xoves aos afectados polos productos bancarios do Pastor.


O Centro Neural de Gondomar acollerá o día 29 de xuño, ás 20,30 unha charla de responsables da Asociación Galega de Consumidores (Acouga), para facilitar información, e prstar  asistencia xurídica ós s afectadas polos productos do Banco Pastor nese municipio. Trátase dunha iniciativa da  Concellería de Comercio e Turismo, que dirixe Xose Antón Araúxo.  A xornada informativa está  dirixida as persoas que se sintan prexudicadas e queiran facer reclamacións, sobre  cláusulas suelo, produtos financeiros ou perda vertixinosa das accións.

  • 0

Manifesto Miñor respalda a xestión de Araúxo na Praza de Abastos

Manifesto Miñor fixo público un comunicado  no que respalda "o traballo rigoroso" do concelleiro de Comercio de Gondomar, Xose Antón Araúxo, e reiteran "a nosa  confianza no seu traballo e no proceso de licitación de postos da Praza de Abastos aberto e transparente". Este comunicado é unha resposta ó que difundiu o mércores o partido socialista responsabilizando ó e edil de Manifesto da perda dunha subvención da Xunta destinada á mellora do mercado municipal.

  • 0

CABE reclamoulle unha rectificación pública ó PSOE de Gondomar

Os socialistas de Gondomar difundiron un comunicado no que piden desculpas e rectifican as acusacións proferidas contra Josué Villar, concelleira de CABE, quen "non perdeu ningunha subvención para a Praza de Abastos o ano pasado" como apuntaban noutro comunicado este xoves. "Sentimos o erro e pedimos desculpas tanto ao concelleiro como ao seu grupo político, o noso erro non foi intencionado", sinalan ao afirmar que "quen perdeu a subvención e/ou deixou de pedila o ano pasado, do mesmo xeito que este ano, foi o actual concelleiro de Comercio, XoseAntón Arauxo de Manifesto Miñor", conclúen.

  • 0

O PSOE de Gondomar critica a deslealdade dos socios de goberno

O PSOE de Gondomar critica  'a deslealdade' de Manifesto Miñor, cos seus socios de goberno ao responsabilizar ao alcalde socialista ,Paco Ferreira, da perda dunha subvención para a praza de abastos. Sorpréndelles que o concelleiro de Comercio, Xosé Antón Arauxo, responsable de tramitar tal subvención tente "desviar a atención para ocultar a súa inoperancia e/ou deixamento facendo agora responsable ao alcalde a perda de diñeiro, achacándoa á paralización dunha licitación irregular que pretendía impoñer aos placeiros e que obrigou ao alcalde para intervir para evitalo".

  • 0
Suscribirse a este canal RSS