Baiona

Baiona acolle o nacional de J80 no marco do «Trofeo Repsol» do Monte Real

A baía de Baiona acollerá, a partir do próximo sábado e durante catro días, o Campionato de España da clase J80, que o Monte Real Club de Iates organiza este ano por delegación da Federación Española de Vela. A competición, presentada esta mañá en rolda de prensa, desenvolverase no marco do «Trofeo Repsol», a tradicional regata de primavera do club baionés que neste 2018 cumpre o seu cuadraxésimo primeira edición.

  • 0

Baiona convoca un concurso de «minicurtos» para conmemorar o Día Internacional dos Museos

O Museo Casa da Navegación de Baiona, dependente da Concellería de Cultura que dirixe María Iglesias, vén de convocar un certame de minicurtos, gravados con teléfonos ou tablets, coa temática o mar en Baiona dende a súa óptica de paisaxe, diversión, deporte ou traballo. Con esta iniciativa, o Concello de Baiona quere celebrar o Día Internacional dos Museos que se celebrará o vindeiro 10 de maio baixo o lema, elixido polo ICOM «Museos Hyperconectados».

  • 0

Victoria do «MBA Atlántico» no «Trofeo Comunica»

O «MBA Atlántico» patroneado polo destacado regatista portugués Rui Ramada proclamouse vencedor, este sábado nas Rías Baixas, do Trofeo Comunica, a primeira gran competición de cruceiros da tempada primaveral, organizada polo Monte Real Club de Iates coa colaboración do Real Club Náutico de Sanxenxo e do Real Club Náutico de Vigo. No trofeo, que este ano cambiou de deseño e celebrouse cun formato de dobre saída desde Sanxenxo e Vigo, participaron máis de 200 regatistas a bordo dos 34 barcos inscritos.

  • 0

Quico Cadaval abre os monólogos do 525 aniversario da «Arribada da Carabela Pinta»

O actor, director, adaptador teatral e narrador, Quico Cadaval, abrirá o venres 20 de abril, ás 21 horas na Capitanía Marítima de Baiona, o ciclo de monólogos organizados pola Concellería de Cultura do Concello baionés, que dirixe María Iglesias, con motivo de celebrar a efeméride do 525 aniversario da «Arribada da Carabela Pinta». O ciclo de monólogos terá, como eixo central de humor, a inmigración galega a América.

 

  • 0

Baiona organiza unha viaxe a Ribadesella con motivo do «Día de Vilas Mariñeiras»

O Concello de Baiona vén de anunciar a organización dunha viaxe a Ribadesella para que os veciños e veciñas que así o desexen, poidan asistir, o sábado 5 de maio á celebración do «Día de Vilas Mariñeiras» e participar nos festexos que se celebrarán na localidade asturiana con motivo desa data. O evento, que se celebrou por primeira vez no ano 2014 en Baiona, xorde para dar a coñecer os municipios que forman o colectivo e poñer en valor os seus recursos turísticos, culturais e gastronómicos.

  • 0
Suscribirse a este canal RSS