Redondela

O PSdeG-Redondela denuncia que as bases dos comedores escolares non foron consultadas coa oposición

O grupo municipal do PSdeG-RedondelaRedondela vén de denunciar que as bases dos comedores escolares para o curso 2017-2018 "non foron consuladas cos partidos da oposición" e que, segundo os socialistas, nin tan sequera "o borrador das mesmas foi levado á Comisión de Benestar Soial". Lembra o PSOE redondelán que levan anos pedindo que as bases que regulan este servizo, sexan levadas á antedita Comisión "para facer un seguimento das mesmas e poder modificales segundo as demandas e necesidades da veciñanza".

  • 0

Unha persoa ferida en Redondela nun choque entre un camión e un turismo

 

Unha persoa resultou ferida hoxe por mor dunha colisión protagonizada por un camión e un turismo  na estrada de Rande, en  Redondela.  Segundo informou o 112 Galicia, os servizos de emerxencia recibiron unha alerta ás 11,20 horas de hoxe, a través dun aviso de Urxencias Médicas. Acto seguido, desde o Centro de Atención ás Emerxencias do 112 alertouse ao Servizo Municipal de Emerxencias e á Garda Civil de Tráfico. Segundo os datos facilitados ao 112, o  camión non detivo a súa marcha tras sufrir o accidente.

  • 0

Aberta inscrición para o Torneo de Pádel da Deputación en Redondela

Redondela acollerá os días 27 e 28 de maio o Torneo Deputación de Pontevedra de Pádel con motivo da inauguración das novas pistas do complexo deportivo de Santa Mariña, financiadas pola institución provincial. As e os interesados en participar no campionato poderán inscribirse dende hoxe, e de xeito gratuíto, a través do correo Este enderezo de correo está a ser protexido dos robots de correo lixo. Precisa activar o JavaScript para velo. ata que se completen as prazas. A data límite para anotarse é o vindeiro mércores 24 de maio.

  • 0

Redondela continua a esixir o fin da violencia machista

Un luns máis, como todos os meses, Redondela volveu a esixir, de xeito silencioso pero non por iso menos rotundo, o cese da lacra social que supón a violencia machista. As 19:00 horas, a Corporación Municipal e ducias de veciños a veciñas concentrábanse diante da Casa do Concello para, coa sua presenza, amosar o seu firme compromiso coa loita contra a violencia de xénero.

Esta iniciativa, ideada e consensuada polo Consello Municipal da Muller no que participan colectivos de mulleres redondelás, partidos políticos e sindicatos, ten como obxectivo aumentar a visibilidade deste tipo de violencia e tamén sensibilizar á poboación sobre que a eliminación destas condutas violentas contra a muller, depende de todas e todos. Tamén se quere amosar a repulsa da cidadanía redondelá cara a violencia de xénero e o seu apoio a todas as persoas vítimas desta lacra social.

Amais da concentración e lectura dun texto, a concentración realizada esta tarde incluíu unha colleira da Asociación de mulleres Arela de Saxamonde. O Concello de Redondela e os membros do Consello Municipal da Muller convidan á cidadanía redondelá a participar, cada mes, nesta concentración mostrando así o seu rexeitamento contra a violencia de xénero e calquera outra forma de violencia e a súa concienciación da loita contra esta lacra social.

  • 0

Máis de 10.000 pinchos na primeira fin de semana da Ruta do Pincho

A Asociación de Empresarios de Redondela vén de facer unha primeira valoración sobre a Ruta do Pincho logo da súa primeira semana de andaina. Os datos se poderían cualificar de espectaculares xa que servíronse máis de 10.000 pinchos, o que fai unha media de case que 340 pinchos por local e que en moitos casos chega a superar o medio centenar. O balance provisional desta edición da Ruta do Pincho non pode ser máis positivo e as previsións, de seguir con este ritmo, superarían os datos da pasada edición.

  • 0

Redondela prepárase para vivir unha nova edición da Festa dos Maios

Maios hai moitos e en moitos lugares, comentábame un día un veciño de Redondela, "como tamén cocínanse paellas en moitas rexións", aseguraba para engadir que "Redondela é aos maios o que Valencia ás paellas". Quedaba dito que os Maios de Redondela son un dos sinais de identidade da vila dos Viadutos e un elemento único e case que irrepetible. O día 1 de Maio, Redondela vivirá unha nova edición desta tradicional festa con orixes que se perden na noite dos tempos e que, grazas ao traballo da veciñanza, mantense xeración tras xeración.

  • 0
Suscribirse a este canal RSS