As Neves

Adrián Rodríguez e Iker Rodríguez, gañadores do Máster Nacional Absoluto Sub 11 de Bádminton

Adrián Rodríguez (veciño de Salvaterra ) e Iker Rodríguez (veciño de Ponteareas)  veñen de proclamarse campións do Máster Nacional Absoluto Sub 11 de Bádminton disputado en Valencia. Os dous xogadores do CB As Neves, acadaban este primeiro posto da competición nunha reñida final contra os xogadores de Ibiza Yaidel e Julien Gil. Ao mesmo tempo Iker conseguía a medalla de prata nunha disputada final e Adrián obtía un meritorio bronce en individual masculino.

  • 0

As Neves sementando Vida

Nestes últimos días aínda propicios para as labores de plantación, o concello das Neves foi escenario de diversas accións que buscan ir pechando, pouco a pouco, as fondas feridas ─aínda visibles─ das xornadas tráxicas dos lumes de outubro do pasado ano. Así no decurso da III Andaina do Condado, repartíronse sementes entre as persoas participantes para que fosen deixadas polos lugares de paso. As sementes, cómpre salientalo, foron doadas pola rexión de Murcia ao Club Cornelios.

  • 0

Todo disposto para a XXVII Feira do Requeixo e Mel das Neves

Un ano mais As Neves volve a encherse de actividades entorno ao Requeixo e a mel, produtos estrela deste concello do Condado e na que é, sen dúbida, unha das citas gastronómicas máis importantes do sur de Galicia. Mañá xoves, arranca a programación cun programa pensado para tódolos gustos, e que comezarán coa celebración do «Requeixo Miúdo».

  • 0

Aberta ao trafico unha estrada en Santa Olaia de Batalláns

O Concello das Neves ven de abrir ao tráfico, nesta semana, a estrada que une Santa Olaia de Batalláns coa PO402, estando sen rematar totalmente obra. Logo dos lumes do 15 de outubro chegaron as chuvias de decembro e os arrastres que deixaron, entre outras incidencias, o tráfico pechado en 2 estradas no Concello das Neves.

  • 1

A XXVII Feira do Requeixo e Mel, protagonistas na Casa de Galicia de Madrid

A Delegación da Xunta en Madrid/Casa de Galicia acolleu onte a presentación da XXVII edición da « Feira do Requeixo e mel” declarada Festa de Interese Turístico de Galicia que se celebrará na localidade pontevedresa de As Neves o día 30 deste mes, venres de Semana Santa, unha cita ineludible da gastronomía galega que enriquece o seu amplo patrimonio natural, cultural e gastronómico.

  • 0

Excelente acollida do novo parque infantil das Neves

O Concello das Neves vén de instalar xa hai semanas un novo parque infantil na praza situada enriba do auditorio municipal, xusto a beira da Casa do Concello en pleno centro da vila. Esta instalación de ocio para os máis pequenos está a ter unha excelente acollida por parte das cativas e cativos das Neves en contraposición, sinala o Goberno local, "co que estaba a ocurrir cos parques existentes".

  • 0
Suscribirse a este canal RSS