I Forum Transfronterizo

As Neves

Porto Maior, As Neves, o lugar de ocupación humana máis antigo de Galicia

Ata o vindeiro 30 de xuño desenvolveranse os traballos de escavación arqueolóxica no xacemento de Porto Maior, no Concello das Neves, e enmarcados dentro do proxecto internacional Minho/Miño: Os primeiros poboadores do río Miño, onde colaboran investigadores de diferentes centros nacionais e internacionais, como as universidades de Lisboa, Porto, Minho e Adelaide (Australia), o Australian Research Centre for Human Evolution (ARCHE) e o Cento Nacional de Investigación sobre la Evolución Humana (CENIEH).

  • 0

A Deputación publica «Extinción», unha visión gráfica da traxedia das Neves

“Extinción é precisamente unha palabra que, aínda que poida referenciar o traballo preciso para apagar a vaga de lumes que sufriu o sur da provincia, tamén debe facer referencia a que non se debe extinguir o espírito solidario que o pobo galego intrinsecamente ten e que sobresae ante as adversidades ambientais e sociais tan duras que levamos padecido ao longo da nosa historia”. Así define Xosé Leal, o deputado de Cultura e Lingua, a natureza do libro que recolle a mirada artística de 15 fotógrafos do Colectivo Latente e un texto do escritor Xabier Queipo.

  • 0

A Deputación investirá máis de 170.000 euros na EP-4006 nas Neves

O Deputado de Mobilidade da Deputación de Pontevedra, Uxío Benítez xunto co alcalde das Neves, Xosé Manuel Rodríguez Méndez, o tenente de alcalde Eduardo Mariño, concelleiros do grupo de Goberno e veciñanza precorreron a antiga estrada provincial EP-4006 ao seu paso polo Ravelo, na parroquia de Tortoreos, no que a Deputación investirá máis de 170.000 euros para a súa mellora.
A Deputación de Pontevedra realizará unha senda de 800 m de lonxitude e 2,5m de ancho para facilitar a mobilidade peonil cara os centros de ensino da zona e cara a zona máis urbana e de servizos.

  • 0

Odaiko Teatro achega ás Neves a adaptación do primeiro libro de María Victoria Moreno

O Auditorio Municipal de As Neves acollerá ás 19 horas do domingo 3 de xuño a terceira representación de «Mar adiante», das dez que Odaiko Teatro está a levar pola provincia no marco do Ano da Lingua da Deputación de Pontevedra. A obra, que está indicada para público familiar, baséase no primeiro libro de contos publicado por María Victoria Moreno, a autora homenaxeada este ano no Día das Letras Galegas, e combina representación escénica e musica.

  • 0
Suscribirse a este canal RSS