Porriño 2017

O Porriño

«Descúbrete, unha nova ollada de ti», nova acción do Porriño a prol da igualdade

Seguindo a liña de actuación do III Plan de Igualdade de Oportunidades do Concello de Porriño, 2016-2019, dende a Concellería de Igualdade, que dirixe Soledad Girón, estase a traballar en distintas liñas de actuación coa posta en marcha de diferentes accións que se recollen no devandito plan, logo de facer unha diagnose da situación social e demográfica do Porriño. Dentro dese programa, desenvólvese o obradoiro «Descúbrete, unha nova ollada de ti».

  • 0

Acordonada unha zona do polígono de Torneiros por unha fuga de gas

Os bombeiros do Porriño desprazáronse na tarde de hoxe ata o polígono industrial de Torneiros logo de ser avisados da rotura dun conduto de gas a consecuencia dunha obras que se estaban a realizar nas inmediacións dun supermercado. Foron precixamente os traballadores os que, cara as 17:30 horas de hoxe, alertaron aos servizos de emerxencia do 112 Galicia, mobilizando estes tanto aos bombeiros do Porriño como á Policía Local do Porriño e Vigo amais de Protección Civil.

  • 0

A maioria dos participantes do «Porriño Accede» atoparon un posto de traballo

O Concello do Porriño presentou a principios deste mes de xullo o programa de formación «Porriño Accede», promovido pola Concellería de Emprego e Formación que dirixe Soledad Girón, unha iniciativa que, como sinala a propia concelleira, “quere dar resposta ao desexo de combater o desemprego dende unha posición activa, apostando pola formación e coa colaboración das empresas da contorna”. «Porriño Accede» abrangue un proceso de capacitación inicial, dirixido á obtención das competencias profesionais que piden as empresas, complementando as mesmas con prácticas non laborais que teñen coma previsión a empregabilidade.

  • 0

Eva García cualifica de "histórica" a apertura dunha aula da UNED no Porriño

A alcaldesa do Porriño, Eva García de la Torre cualificou de "histórica" a decisión adoptada o pasado mércores pola Xunta Reitora da Universidade Nacional de Educación a Distancia, presidida por Carmela Silva, na que se aprobou a posta en marcha dunha Aula da UNED no concello do Porriño. En concreto, tal e como asegurou Silva, “trátase dunha aula que impulsamos co apoio do propio Concello e da Confederación de Empresarios e vén a sumarse ás tres aulas que o Centro Asociado ten xa en funcionamento en Vigo, Portas e Tui”.

  • 0

O Porriño prepárase para vivir tres días de xogos, música e diversión

Xa está todo listo para o comezo de «Porrigalia 2017» que dende este venres, día 21, ata o domingo, 23 de xullo, ateigará as rúas do Porriño de animación, traxes de época, comparsas, castrexos, romanos, galos, exipcios, vikingos, gregos e celtas, música e a exhibición dos atletas que participarán nos xogos. Durante eses tres días, os participantes na festa deste ano terán a ocasión de asistir a dDemostracións de oficios artesanais, na Praza do Cristo. Nela estarán Mestres especializados en cantería, cerería, ebanistería e cestería, que compartirán o seu saber e coñecemento co público.

  • 0
Suscribirse a este canal RSS