Manrique Fernández

Manrique Fernández

O meu andel / Blog literario de Manrique Fernández

URL del sitio web:

Beatriz Maceda Abeleira, «Cando John Lennon coñeceu a Valle-Inclán»

Beatriz Maceda vén de presentar un novo traballo sorprendente. No texto sorprende a similitude que tece entre dúas figuras tan senlleiras do século XX como son Valle-Inclán e John Lennon: similitudes físicas (delgadez, melena, barba longa, lentes redondeadas...), pero tamén moito máis íntimas (irreverencia, notoriedade, clarividencia intelectual...). E sorprende que o relato estea dirixido a un público xuvenil que, con toda probabilidade, terá referencias escasas de ambos personaxes.

Chévere, «Río Bravo»/«Annus Horríbilis e outros musicais»

A Chévere gústalles definirse non como compañía de teatro, senón como compañía «de axitación teatral». E non lles falta razón, se xulgamos pola súa traxectoria. Este ano celebran as súas tres primeiras décadas de vida axitando con irreverencia e imaxinación o panorama teatral galego e pondo a proba, cun éxito incontestable, a súa proposta de creación colectiva e participativa.

Vanesa Santiago, «A vida sinxela de Marcelino Firmamento»

No presente ano, a editorial Galaxia quixo recuperar a memoria da mítica colección Illa Nova, na que se deron a coñecer, xa fai 60 anos, algúns dos autores máis celebrados das últimas décadas. E fixérono a través da convocatoria dun premio de narrativa inspirado no espírito daquela coleción e na descuberta de novos valores para a nosa literatura. Pois ben: o que hoxe colocamos neste particular andel é a obra gañadora de tal certame. Trátase de «A vida sinxela de Marcelo Firmamento», de Vanesa Santiago.

Antonio García Teijeiro e Xulio García Rivas, «Poesía cromática»

O que temos entre as mans é unha desas pequenas alfaias que de cando en vez chegan a nós para tinxir de cores a nosa existencia, un galano que aproveita a sensualidade da lírica e da pintura para meterse dentro de nós e revirar o noso sentir. A poesía e a acuarela collidas da man para camiñaren xuntas, sen máis atrancos nin limitacións creativas que as que elas mismas queiran impoñerse.

Suscribirse a este canal RSS