Tomiño

Tomiño recupera a Aula Aberta do río Furnia

O Concello do Tomiño segue visibilizando a súa aposta pola recuperación e posta en valor do seu extraordinario patrimonio natural e, dentro deses traballos, vén de instalar novos paneis explicativos na Aula Aberta da Natureza do río Furnia, afluente do Miño, que conta cun dos ecosistemas máis representativos de Galicia, ao longo da que se poden atopar máis de 20 especies de árbores e arbustos e 60 de pequenas plantas.

  • 0

Tomiño pon en marcha a II edición do “Verán cultural: O Son da Praza”

O Concello de Tomiño albergará no núcleo urbano do Seixo actividades culturais de diferente índole ao longo dos meses de xullo e agosto no marco da II edición do 'Verán cultural: O son da praza' .Así, tódolos venres de xullo, os veciños e veciñas poderán desfrutar á noitiña da proxección de películas de animación ao aire libre, combinando deste xeito o lecer e a vida familiar agora que rematou o curso escolar.

  • 0

O Goián Club de Fútbol asina un convenio co Celta de Vigo.

O Goián Club de Fútbol ven de asinar un convenio de colaboración co Real Club Celta de Vigo. Os rapaces e rapazas do Goián Club de Fútbol convértense deste xeito nos primeiros xogadores do Baixo Miño en formar parte da Escola de Fútbol do Celta. A sinatura do convenio tivo lugar esta semana no Concello de Tomiño e contou coa presenza da Alcaldesa de Tomiño, Sandra González; o Concelleiro de Deportes do Concello, Ismael Troncoso; e persoas representantes do RC Celta de Vigo e o Goián CF.

  • 0

A Xunta garante o seu apoio para que Tomiño e Cerveira sexan Eurocidade


Tomiño e Vila Nova de Cerveira reúnen todas as condicións e requisitos para converterse na segunda Eurocidade do Baixo Miño, xunto a Tui e Valença do Minho. Así o asegurou este mediodía o director xeral de Relacións Exteriores e coa UE, Jesús Gamallo, durante o acto de presentación das valedoras transfronteirizas (figuras pioneiras en Galicia e Portugal) de ambos concellos e das normas do Orzamento Participativo Transfronteirizo (OPT) 2018.

  • 0

Tomiño reabre ó público as pistas deportivas de Mosteiro

O Concello de Tomiño vén de reabrir as pistas de tenis e pádel situadas na Área Deportiva do Mosteiro, despois de realizar obras de acondicionamento a semana pasada. A intervención consistiu en acondicionar, pintar, instalar novas redes, e outras obras de mantemento de cara ao verán; época na que se produce un sensible aumento na utilización das instalacións, públicas e gratuítas.Nas pistas, situadas a carón do colexio público Pedro Caselles Beltrán, impártense durante as mañás, os campus de tenis e pádel durante os meses de xullo e agosto.

  • 0

O Concello de Tomiño constituiu a Mesa contra a Violencia de Xénero

 O Concello de Tomiño acolleu hoxe a Mesa Local Interinstitucional contra a Violencia de Xénero, co fin de facer dela un instrumento operativo para favorecer a coordinación de todos os organismos e departamentos implicados, directa ou indirectamente, na loita contra a violencia de xénero, dende a súa prevención e detección, ata o tratamento e seguimento posteriores.A xuntanza desenvolveuse a iniciativa da Oficina de Igualdade da Concellería de Servizos Sociais.

  • 0
Suscribirse a este canal RSS