I Forum Transfronterizo

Tomiño

A Escola Municipal de Teatro consolídase coa creación dun grupo de adultos

A Escola Municipal de Teatro de Tomiño foi consolidando a súa labor, que comezou hai preto dunha década, e que este curso sumou aos grupos infantil e xuvenís, un de adultos. A experiencia resultou un grande acerto. Así o testemuña a decena de actores (4) e actrices (6), con idades comprendidas entre os 25 e os 70 anos. A «profe» encargada é Beatriz González Campos, actriz, presentadora, narradora e directora teatral.

  • 0

Tomiño propón unha axenda de verán con máis de 50 actividades culturais

O Concello de Tomiño vén de publicar unha avultada axenda de verán, con máis de 50 actividades que se desenvolerán entre os meses de xuño e setembro. Os concertos, as xeiras polo patrimonio histórico-artístico, natural e etnográfico, o teatro de rúa, o cine ao aire libre, e os cursos e campamentos de verán, enchen de contido unha axenda que dará moito de si.

  • 0

Cerveira-Tomiño: 14 anos de Ponte da Amizade e catro anos de cooperación transfronteiriza exemplar

Un 11 de xuño de 2004, a inauguración da Ponte da Amizade, que une Tomiño e Vila Nova de Cerveira, marcou un antes e un despois no desenvolvemento transfronteirizo. A apertura da ponte suprimía os problemas de mobilidade entre as dúas beiras do Miño e facían posible un territorio común. Dez anos despois, ámbolos dous concellos asinaban a «Carta da Amizade» que profundizaba nos lazos sociais, culturais e deportivos co obxectivo de axudar a construir un futuro mellor para as vindeiras xeracións.

  • 0

Tomiño e Cerveira contarán cunha APP de Turismo Accesible

Tomiño e Vila Nova de Cerveira, dous concellos que están a ser un exemplo ─a copiar, literalmente─ para outras cidades fronteirizas, está a dar o primeiro paso de cara a creación dunha apliación tecnolóxica que inclúa os puntos turísticos de ámbolos dous concellos, asociados ao concepto de accesibilidade para todos e todas. O proxecto foi un dos vencedores do Orzamento Participativo Transfronteirizo, no que a veciñanza propon ideas que logo son sometidas a votación.

  • 0

Participantes nun seminario transfronteirizo coñecen en Tomiño a experiencia da cooperación con Cerveira

Corenta participantes dun seminario de políticas de desenvolvemento territorial, o Seminario CPS ESPON (Cross Border Public Services.1), organizado en Vigo pola Agrupación Europea de Cooperación Territorial Galicia-Norte de Portugal, foron recibidos onte pola alcaldesa Sandra González, no Concello de Tomiño. A delegación, integrada por 30 representantes de Suramérica e de diferentes concellos, universidades e entidades galegas e portuguesas, acudiron interesados en coñecer a experiencia de cooperación transfronteiriza entre Tomiño e Cerveira.

  • 0
Suscribirse a este canal RSS