Oia

«Festival do Rei Sol», do 15 ao 17 de setembro en Oia

Comeza a conta atrás para o «Festival do Rei Sol», que todos os anos organiza a Asociación Costa dos Castros e que este ano se celebrará do 15 ao 17 de setembro en Oia ofrecendo unha serie de actividades gratuítas pensadas para tódalas idades. Teatro, charlas e narración oral, talleres infantís e unha andaina son as diferentes propostas que inclúe este evento baseado na convivencia, a cultura e a posta en valor do patrimonio material e inmaterial.

  • 0

Oia rehabilitará a fonte de Santa Comba cunha axuda da Deputación

A Deputación de Pontevedra vén de aprobar, a través dunha resolución presidencial, unha nova achega ao concello de Oia no marco do «Plan Concellos 2017», dentro da súa liña 1 de investimentos. Deste xeito, Oia recibe 43.833,69 euros para realizar a rehabilitación da fonte de Santa Comba e o acondicionamento da súa contorna.

  • 0

O «Plan Concellos 2017» destina preto de 90.000 euros a novos investimentos en Oia

A Deputación de Pontevedra vén de aprobar, a través de sendas resolucións presidenciais, cinco novas achegas ao concello de Oia no marco do «Plan Concellos 2017», dentro da súa liña 1 de investimentos. Deste xeito, Oia recibe 35.631,91 € para a recuperación do camiño de Liñares; 25.994,94 € para realizar o saneamento do camiño de Videira e a rehabilitación un lavadoiro en Vilar; 20.030,47 € para a ampliación do parque infantil de Mougás e o acondicionamento do acceso ao cemiterio municipal; 6.590,91 € para a subministración de pezas para realizar un illamento acústico e, por último, 1.672,89 € para a adquisición de material informático.

  • 0

Costa dos Castros comeza en xullo a súa campaña de visitas guiadas gratuítas

A Asociación Costa dos Castros programa do 14 de xullo ao 15 de setembro unha serie de visitas guiadas gratuítas co obxectivo de dar a coñecer os principais atractivos do patrimonio cultural de Oia e, ao mesmo tempo, dinamizar o turismo na zona. As visitas desenvolveranse de xoves a domingo ás 12.00 horas e permitirán coñecer diversos enclaves arqueolóxicos e de valor histórico do municipio de Oia. Os xoves e venres haberá itinerarios guiados no castro e petróglifos da Cabeciña, mentres que os sábados e domingos a ruta será polo barrio do Arrabalde, nas proximidades do Mosteiro de Oia.

  • 0

O mel é a mellor receita de lonxevidadade para a avoa de Oia


Purificación Granja Valverde, do barrio de A Riña -de Santa María de Oia-, celebrou este Domingo o seu 101 aniversario rodeada da súa familia. A homenaxeada recibiu tamén  a visita da alcaldesa, Cristina Correa, quen lle fixo entrega, en nome do Concello, dun fermosísimo ramo de flores. Con máis de cen anos,Purificación conserva un bo sentido do humor e sempre ten momentos para as risas e as anécdotas.

  • 0

A Xunta sinaliza o Camiño Portugués pola Costa en Oia

O delegado territorial da Xunta en Vigo, Ignacio López-Chaves, e o xerente do Xacobeo, Rafael Sánchez Bargiela, xunto á alcaldesa do Concello de Oia, Cristina Correa, e varios membros do seu equipo de goberno, asistiron esta tarde á colocación dunha das primeiras mouteiras oficiais que sinalizan o Camiño Portugués da Costa ao seu paso polo municipio na contorna do Mosteiro de Santa María de Oia.

  • 0
Suscribirse a este canal RSS