A Guarda

A Guarda énchese de actividades culturais para celebrar o Día Internacional do Libro

A Guarda vivirá, dende mañá e ata o vindeiro luns, uns días de intensa programación cultural, coa celebración das actividades conmemorativas do Día Internacional do Libro e numerosas exposicións en diferentes puntos da vila. A programación comezará xa o venres coa entrega dos agasallos a todos e todas as participantes no Certame de Microrrelatos 2018. A partir das 18:00 horas, todos os traballos presentados dentro do concurso serán expostos no Centro Cultural, para que podan ser lidos e gozados por toda a veciñanza.

  • 0

A Guarda contrata a 18 novos traballadores con cargo ao Plan Concellos 2018

O Concello da Guarda recibe, estes días, aos 18 novos traballadores temporais contratados con cargo ao Plan Concellos 2018 da Deputación de Pontevedra que realizarán tarefas para a conservación e o funcionamentos de bens e servizos municipais durante unha media de 9 meses. Nesta liña, o Concello xa conta con dous axudantes para a recollida do lixo, dous varredores, tres peóns forestais, un oficial e un axudante de albanelería, unha técnica de turismo e un auxiliar no Centro Cultural.

  • 0

A Guarda ofrece catro prazas para a realización de prácticas laborais

O Concello da Guarda, ao abeiro da convocatoria de 200 bolsas de práctica laboral realizada pola Deputación de Pontevedra, ofrecerá catro prazas para persoas con titulación universitaria en Enxeñería de Edificación ou Arquitectura Técnica; Ciencias da Actividade Física e do Deporte; Ciencias Políticas e da Administración e Historia ou Xeografía e Historia.

  • 0

A Guarda presenta o proxecto da nova escola infantil municipal en Santiago

O alcalde da Guarda, Antonio Lomba, e a concelleira de Servizos Sociais, Teresa Vicente, reuníronse na mañá de hoxe en Santiago de Compostela co xerente do Consorcio Galego de Servizos de Igualdade e Benestar, Perfecto Rodríguez, co obxectivo de presentar o proxecto da nova escola infantil da Guarda e concretar a achega económica de cada administración. Rodríguez comprometeuse a incluír esta actuación nos orzamentos da Xunta de 2019.

  • 0

Escolares guardeses, nas xornadas didácticas da campaña gastronómica «Lamprea do Miño»

As cativas e cativos de 6º de primaria dos centros de ensino guardeses participaron esta semana nas xornadas didácticas «Coñecedes a lamprea?», no marco da campaña gastronómica «Lamprea do Miño» organizada polo Concello da Guarda. Un total de 88 escolares dos centros de ensino San José-Hnas. Carmelitas, Padres Somascos, A Sangriña e Manuel Rodríguez Sinde acudiron por quendas durante o luns e o martes á actividade, que se celebrou na Casa dos Alonso.

  • 0
Suscribirse a este canal RSS