A Guarda

A Guarda pecha o Entroido cun divertido desfile logo de cinco días de foliada

A Guarda puxo punto ao Entroido 2018, este pasado domingo 18 de febreiro, co tradicional desfile-concurso. Centos de persoas congregáronse ao longo das rúas entre a «esquina Famosa» e a Alameda para gozar da festa, na que participaron comparsas, carrozas e disfraces a nivel individual ou en grupo. Poñíase fin, desta forma, a cinco días de foliadas, nas que o bo humor, a sátira e a música foron os protagonistas.

  • 0

O MASAT e o Museo do Mar da Guarda reabren no seu horario habitual

O Museo Arqueolóxico do Monte Santa Trega (MASAT) e o Museo do Mar volverán abrir as súas portas a partir de mañá no seu horario habitual, tras o habitual paro de inverno. O MASAT retomará a súa actividade de martes a domingo en horario de inverno (de 11:00 h a 17:00 horas), namentres o Museo do Mar poderá visitarse as fins de semana (sábados e domingos) e días festivos, en horario de mañá (de 11:00 h a 14:00 h) e de tarde (de 16:00 h a 19:00 h).

  • 0

A Deputación da luz verde á mellora integral da rúa Concepción Arenal na Guarda

A Deputación de Pontevedra aprobou hoxe en Xunta de Goberno o proxecto para a «Recuperación de espazos e mellora da mobilidade peonil na rúa Concepción Arenal EP-3401 de acceso ao porto en A Guarda». Segundo explica o deputado de Mobilidade Uxío Benítez, o orzamento para a actuación ascende a 1.598.755 euros (financiados ao 70% con fondos provinciais) e a obra terá un prazo de execución de dez meses logo do inicio, que se prevé na primavera.

  • 0
Suscribirse a este canal RSS