I Forum Transfronterizo

Club Deportivo Choco, póker de títulos consecutivos na Copa Deputación

O capitán do Choco levanta o trofeo que os acredita como gañadores, por cuarto ano consecutivo, da Copa Deputación, en presenza da presidenta da Deputación, Carmela Silva;a alcaldesa do Porriño, Eva García de la Torre e as deputadas provinciais Chelo Besada e Digna Rivas O capitán do Choco levanta o trofeo que os acredita como gañadores, por cuarto ano consecutivo, da Copa Deputación, en presenza da presidenta da Deputación, Carmela Silva;a alcaldesa do Porriño, Eva García de la Torre e as deputadas provinciais Chelo Besada e Digna Rivas

O sábado, no campo Municipal de Lourambal, no Porriño, o Club Deportivo Choco de Redondela certificó o seu dominio na Copa Deputación de Fútbol, ao gañala por cuarto ano consecutivo tras impoñerse, por un claro 4-1 ao Estudiantil da Estrada que, en ningún momento, deixou de loitar por facerse co título. Os de Redondela eran, sobre o papel, non só por ter gañado o trofeo os tres anteriores anos, senón por militar en Terceira División, fronte a un Estudiantil de Preferente Norte.

Ben certo é que o Estudantil saíu con timidez, pouco que ver co equipo que loitou no duelo da Estrada ante o Estradense, noutra gran xornada da Copa Deputación. Esta vez, os de Gelucho mostráronse pouco expeditivos atrás e Couñago plantouse só para tentar a vaselina ante Brais, que puido tocar, pero o “9” redondelán non perdoou no rebote: remate de cabeza e gol. O Estudantil non combinaba e o Choco, cun sólido centro do campo, creaba ocasións. Couñago tería outro man a man, insistía en picar o coiro e Brais atallábao. O dianteiro centro acaba o torneo con 6 tantos e co oficioso título de “pichichi”. Os de Marcos Montes mandaban e creaban moito perigo polas bandas, especialmente pola de Chiqui. O gol víase vir e chegou. Davicín fusilaba o 2-0 tras acción persoal de Comis. Nunha galopada, Chiqui sumaba o terceiro. E o cuarto. Cheiraba a maior goleada.

Con 4-0 ao descanso e apenas un croque de Caraban e un disparo desviado de Jacobo, a afección do Estudantil pedía ao seu equipo máis ímpeto. Escoitáronlles no segundo período. A eles e ao seu adestrador, Gelucho. E antes de concluído o primeiro minuto do segundo período o Estudantil marcaba o gol da honra en xogada pola banda dereita. Rial anotaba tras rexeite do meta ao disparo de Alberto. O Choco contemporizou, a Couñago foille anulado un gol por fóra de xogo e o seu substituto, Escobar, tivo dúas ocasións moi claras para marcar. Non era o seu día e si o de Brais, a excelente meta estradense. O Estudantil non baixou os brazos, tentou marcar un segundo tanto por medio de Brais ou de Jacobo, pero tivo que conformarse con chegar á final. O Choco xa é lenda na Copa Deputación.

O saía, no once inicial con Adrián; Yago, Rubén, Lucas, Xián, Alberto Suárez (Javi, min. 75), Rancaño, Comis, Davicín (Vilas, min. 58), Pablo Couñago (Escobar, min. 68) e Chiqui. Mentres que os de Gelucho formaban con Brais; Jacobo, Diego Pena, Caraban (Carlos, min. 56), Mateo, Guille ( Roi Peiteado, min. 22), Bruno (Fran, min. 81), Fer (Alfonso, min. 46), Brais Calvo, Alberto e Rial (Denis, min. 84). Goles: 1-0 ( min. 6), Couñago. 2-0 ( min. 15), Davicín. 3-0 ( min. 20), Chiqui. 4-0 ( min. 25), Chiqui. 4-1 ( min. 46), Rial.

O encontro foi arbitrado polo colexiado Rubén Estremadura (comité galego) que amoestou polo Choco a Xián e Rubén, e polo Estudantil a Alfonso, Carlos e Jacobo.

A presidenta da Deputación, Carmela Silva, fixo entrega do novo trofeo en pedra da Escola de Cantería ao capitán do Choco, mentres que a alcaldesa do Porriño Eva García de la Torre, entregou o do finalista.