É noticia...

Agracedemento de Carmela Silva a concellos, veciños, corpos de seguridade e bombeiros

A presidenta da Deputación trasladou hoxe a todos os concellos e colectivos que traballaron na loita contra os terribles incendios dos últimos días o agradecemento da institución e de toda a provincia de Pontevedra aos alcaldes e alcaldesas dos concellos afectados, ao seu persoal, a súa veciñanza, aos corpos e forzas da seguridade do estado e aos efectivos do Consorcio Contra Incendios e de Salvamento “polo seu enorme esforzo e solidariedade”

A Deputación inviste preto de 450.000 euros na mellora dos montes da provincia

A Deputación de Pontevedra aprobou hoxe na Xunta de Goberno axudas por un total de 443.966,87 euros para redactar proxectos de parques forestais e realizar actuacións de mellora e recuperación nos montes da provincia potenciando os seus valores paisaxísticos, ambientais, culturais e patrimoniais, así como a súa multifuncionalidade.

A Deputación cambiará o modelo de mantemento das estradas “para ser máis eficiente”

O Deputado de Mobilidade da Deputación de Pontevedra, Uxío Benitez, deu a coñecer o novo modelo de mantemento da rede provincial de estradas ─con máis de 1.700 quilómetros de viais─ de cara a que sexa máis eficiente. Para ese cambio de modelo, a o Goberno provincial buscará a aprobación, no próximo Pleno, dun contrato de case que catro millóns de euros anuais que, segundo Benítez, “”suporá unha nova ferramenta de traballo para planificar actuacións de conservación da rede viaria provincial seguindo criterios técnicos”.

Representantes do Cabildo de Fuerteventura visitan a Escola de Cantería da Deputación

Un grupo de responsables do Cabildo Insular de Fuerteventura visitaron estes días as instalacións da Escola de Cantería da Deputación de Pontevedra, onde coñeceron o plan docente dos estudos que se imparten neste centro co obxectivo de poñer en marcha na illa canaria unha iniciativa semellante.

A Xunta e sindicatos asinan un acordo para a estabilidade no emprego público

A Consellería de Facenda vén de acadar un acordo cos sindicatos CC.OO., CSIF e UGT para desenvolver un plan de estabilidade no emprego público, que permitirá ofertar 14.750 prazas nos servizos públicos ata o ano 2020. Este acordo foi acadado esta mañá durante a reunión da Comisión de Persoal, e queda aberto a que se sumen outras organizacións sindicais de ámbito sectorial.

A Deputación aposta pola desestacionalización do turismo coas «Visitas Singulares Rías Baixas»

A presidenta da Deputación de Pontevedra, Carmela Silva deu a coñecer esta mañá a nova iniciativa titulada «Visitas singulares Rías Baixas: Cemiterios históricos» que a Deputación de Pontevedra vai poñer en marcha para desestacionalizar o turismo na provincia. “A través desta acción singular – asegurou Silva – pretendemos ofrecer alternativas que se afasten dos estereotipos do noso destino porque o noso obxectivo é amosar toda a realidade e potencialidade das Rías Baixas”.

Suscribirse a este canal RSS