Tui

Tui declara tres días de loito oficial tras o suceso de Páramos

A corporación municipal de Tui celebrará hoxe ás 20h Pleno extraordinario urxente para ratificar os tres días de loito de oficial logo do suceso acaecido no día de onte na parroquia de Páramos, no que faleceron dúas persoas e unha trintena resultaron feridas. Este será o primeiro punto desta sesión plenaria, na que no segundo punto se realizará unha declaración institucional.

  • 0

Carmela Silva pon os recursos da Deputación a disposición de Tui

A presidenta da Deputación de Pontevedra, Carmela Silva, visitou de novo esta mañá a zona cero de Paramos en Tui para coñecer os traballos que, desde o centro de mando, se están a desenvolver ante a explosión acontecida onte pola tarde, que ata o momento supuxo a morte de dúas persoas e 37 feridas. Despois, Silva acudiu ata o Centro Cultural de Guillarei onde persoal especializado en psicoloxía e servizos sociais está a atender ás persoas afectadas.

  • 0

Bandeiras a media hasta na Deputación e suspensión do Triatlon do Porriño

A presidenta da Deputación de Pontevedra, Carmela Silva, ao fronte do gabinete de crise activado desde onte polo sinistro de Tui, desconvocou hoxe xoves a súa axenda oficial para seguir a coordinar todo o operativo que está a traballar no lugar da explosión. Doutra banda, o Concello do Porriño vén de anunciar a suspensión do Triatlón que tería que disputarse esta fin de semana e tiña a súa saída no concello de Tui.

  • 0

Carmela Silva: "o lugar lembra ao escenario dun bombardeo"

A presidenta da Deputación de Pontevedra, Carmela Silva, trasladouse a Paramós, en Tui, nada máis coñecerse o alcance da explosión do almacén de pirotécnica, para coñecer sobre o terreo o alcalde do suceso acontecido. A presidenta provincial, que foi informada polos responsables do operativo de emerxencias, asegurou que a zona "asemellaba o escenario dun bombardeo, con todo destruído" ao que se engadia a noticia tráxica do falecemento dunha muller e o ingreso, en distintos hospitais, de 26 persoas feridas.

  • 0

A explosión da pirotecnia de Paramós deixa unha persoa morta e 26 feridas

A explosión dun almacén de pirotécnia acontecido a primeira hora da tarde de hoxe en Paramós, Tui, deixa detrás todo un panorama de destrucción e de traxedia. O balance oficial facilitado polo CIAE 112 Galicia, é de unha muller morta e 29 feridos de diversa consideración ─sete deles menores─ que foron trasladados a diversos centros hospitalarios se ben, fontes consultadas por este xornal, aseguran que as súas vidas non corren perigo.

  • 0
Suscribirse a este canal RSS