a guarda 2019

A Guarda

Os Socialistas da Guarda trasladan o problema do esteiro do Miño ao Parlamento

Na mañá do venres 16 de marzo visitaron a zona do esteiro do Miño, que está sufrindo estragos no litoral, a deputada do parlamento Galego e portavoz de medio ambiente do grupo socialista, Patricia Vilán, e o deputado no parlamento Español, pola provincia de Pontevedra, Guillermo Meijón que, acompañados polos membros do equipo de goberno municipal, puideron coñecer de primeira man os efectos destrutivos que o río está a producir en dous puntos do litoral: a zona da praia Lamiña-O Forte e a zona do Codesal.

Firme compromiso da hostalería da Guarda coa calidade turística

O alcalde da Guarda, Antonio Lomba, e a concelleira de Turismo, Montserrat Magallanes, recibiron esta mañá aos responsables dos seis establecementos guardeses que veñen de conseguir o distintivo SICTED (Sistema Integral de Calidad Turística Española en Destinos), un recoñecemento promovido polo Instituto de Turismo de España (TURESPAÑA) que da conta do seu «Compromiso de Calidade Turística».

«O que se enchufa, recíclase» chega mañá á Guarda

A campaña «O que se enchufa, recíclase» chegará mañá á Guarda para concienciar e sensibilizar sobre a importancia da correcta xestión dos residuos de aparatos eléctricos e electrónicos (RAEE). Para isto, dous asesores terán un punto informativo durante o venres 16, o sábado 17 e o martes 20 de marzo na Praza de Abastos (entre as 11 e as 14 h) e na Piscina Municipal (o venres e o martes entre as 16 e as 19 h).

Concello e Xunta acordan a reparación e conservación do Castelo de Santa Cruz

O alcalde do Concello da Guarda, Antonio Lomba, e o conselleiro de Cultura, Educación e Ordenación Universitaria, Román Rodríguez, asinaron o pasado luns un convenio de colaboración para a conservación e reparación do Castelo de Santa Cruz. O acordo recolle a posta a disposición dos terreos e inmobles necesarios para a execución das obras de revocadura da fachada do centro de interpretación situado no interior da fortaleza, toda vez que a porosidade das paredes do espazo museístico facilita a entrada de auga procedente do exterior.

Suscribirse a este canal RSS