A Guarda

A Guarda presume de produtos na campaña internacional «Quere o teu mercado»

A Praza de Abastos da Guarda está participar na campaña internacional «Quere o teu Mercado», orientada á promoción e posta en valor dos mercados municipais potenciando a compra de produtos frescos e locais. A iniciativa, promovida pola Xunta de Galicia en colaboración coa Praza de Abastos e o Concello da Guarda, desenvólvese durante esta segunda quincena de maio no espazo do mercado municipal, coa celebración de diversas actividades e a difusión de material promocional.

  • 0

A Guarda enche a Praza do Reló literatura e espectáculo

Que unha Feira do libro de nove horas ─domingo 20 de maio dende as 11 horas ata as 20 horas─ peche as súas portas con preto de medio millar de libros vendidos, non é para estar contento. É para estar exultante. As librerías participantes ─Atlántica, Ler, Cervantes e Ideas─ amosaron que, pese aos agoreiros, os libros «teñen tirón». Logo está a outra parte, a das actividades paralelas que teñen que ser, como así aconteceu, un atractivo engadido. Amais de libros, os obradoiros, a música e os xogos, fixeron do domingo toda unha festa.

  • 0

A Guarda, pasarela do traxe galego por excelencia

Non se podía elixir mellor escenario para mellor iniciativa. Onte, os xardíns do sempre espectacular Centro Cultural da Guarda, ofrecían o marco ideal para unha auténtica pasarela ─no máis amplo sentido da palabra─ do traxe galego. A iniciativa, organizada polo Concello da Guarda e a Asociación para a Recuperación do Traxe Galego da Guarda, permitiu ao numeroso público asistente, admirar e gozar da diversidade dos nosos traxes tradicionais perfectamente explicados.

  • 0

Visitas guiadas gratuítas ao monte Santa Trega da Guarda no Día dos Museos

Co gallo do Día Internacional dos Museos, a Concellería de Turismo do Concello da Guarda, que xestiona Montserrat Magallanes, vén de organizar unha xornada de visitas guiadas gratuítas polo Monte Santa Trega de cara a que, tanto veciñanza como visitantes, poidan coñecer un lugar singular no que o patrimonio e paisaxe forman un conxunto único. As actividades levaranse a cabo durante a mañá e a tarde do sábado 19 de maio con tres formatos, dependendo da súa duración e percorrido.

  • 0
Suscribirse a este canal RSS