A Guarda

A Guarda tínguese de negro contra as violencias machistas

O Concello da Guarda, a través da Concellería de Igualdade e do Centro de Información á Muller (CIM), organizará varias actividades para conmemorar o Día Internacional contra a violencia de Xénero, que se celebra cada ano o 25 de novembro. unha poético-musical, unha barferencia, un concerto, unha campaña conxunta co comercio local, obradoiros nos centros educativos, e unha concentración pública na Praza do Reló, son algunhas das actividades coas que a Guarda reafirmase no seu compromiso contra a violencia machista.

A Alameda de Guarda acolle, este domingo, o tradicional magosto do socialismo guardés

Este domingo 18 de novembro, como cada ano dende 1985, a Alameda acollerá o tradicional magosto que celebra o PSdeG–PSOE da Guarda. Dende ás 17:00 h baixo a carpa, contaremos con actividades para os máis pequenos e pequenas amais música tradicional en directo. O PSOE da Guarda quixo facer un convite a todos os veciños e veciñas, a que se acheguen á Alameda "para degustar as castañas e compartir a tarde connosco con boa música e compañia".

A Guarda convida a empresariado e comercio a participar en «Comercio Innova Plus»

O Concello da Guarda inicia este mércores unha serie de actividades enmarcadas na Campaña «Comercio Innova Plus», encamiñadas a que o comercio coñeza as novas ferramentas tecnolóxicas que teñen á súa disposición, para que as empreguen nos seus propios establecementos comerciais e lle saquen o maior rendemento, ademais de continuar promovendo a innovación dentro da rede comercial do Concello con actividades sobre comunicación e canles de venda, deseño de espazos comerciais, a atención ao cliente ou a creación de alianzas entre empresas.

O GES da Guarda informa ao estudantado sobre como actuar en situacións de emerxencia

Dende a pasada semana efectivos do Grupo de Emerxencias Supramunicipal (GES) da Guarda veñen de iniciar o ciclo de charlas informativas co arranque do novo curso lectivo. A iniciativa ten coma obxectivo que os rapaces e rapazas saiban como actuar ante situacións de risco ou emerxencias, coñecendo o funcionamento dos plans de autoprotección dos seus respectivos colexios e centros educativos, así coma saber coma realizar unha correcta evacuación en caso de incendio, grazas á realización de simulacros de evacuación.

Gastronomía e Arte, da man na Guarda nunha nova edición de «Petiscos con Arte»

O Concello da Guarda organiza, a través da Concellería de Turismo, unha nova edición da Ruta «Petiscos con Arte», un evento que conxuga a gastronomía e a arte para ofertar aos participantes unha experiencia para os sentidos. A Ruta “Petiscos con Arte” terá lugar as dúas fins de semana da segunda quincena de novembro, os días 16, 17, 23 e 24 en horario de mañá de 12:00h a 14:00h e tarde 19:00h a 21:30h.

O Centro Cultural da Guarda acolle, o venres, a proxección de «A cicatriz branca»

A mostra GalizAmérica, que se atopa na sala de exposicións do Centro Cultural da Guarda ata o vindeiro sábado día 10 de novembro e compila materiais que dan conta do florecemento da cultura galega en América, compleméntase coa proxección do filme «A cicatriz branca» de Margarita Ledo, que terá lugar este venres día 9 de novembro ás 20:30 h no Centro Cultural guardés.

Suscribirse a este canal RSS