A Deputación aproba dúas novas achegas ao Rosal ao abeiro do Plan Concellos

A Deputación de Pontevedra vén de aprobar, mediante resolucións provinciais, dúas novas axudas ao Concello do Rosal por un valor total de 30.337,26 euros ao abeiro do Plan Concellos 2018. Dentro destes investimentos, 25.285,21 euros irán destinados á mellora da senda peonil de pescadores e 5.052,05 á merca de equipamento de recollida selectiva de lixo.

  • 0

Comunicado Concello da Guarda pola ocupación do Castro no xantar do monte

Diante das informacións publicadas nos últimos dias nalgúns medios de comunicación e nas redes sociais, referidas á ocupación do poboado castrexo por parte dalgunhas persoas que o usaron para xuntarse a comer, o Concello da Guarda informa que, "como ven sendo habitual desde xa hai uns anos, tanto o domingo do monte como na romaría de Santa Trega o 23 de setembro, o xacemento arqueolóxico delimitase co fin de disuadir aos romeiros e visitantes de comer nesa zona".

  • 0

Mámoas e estrelas na VIII Xeira de Verán do Concello de Tomiño

O vindeiro xoves, 16 de agosto, ás 19:00 horas terá lugar a VIII Xeira ─para todo público e de balde─, organizada pola Concellalía de Turismo e Patrimonio, que dirixe Fátima Rodríguez, dentro do programa de verán «Tomiño Único». Nesta ocasión realizarase unha saída denominada «Mámoas, ouro e estrelas», coa colaboración do Instituto de Estudos Miñoranos (IEM), que será guiada polo experto Xosé Lois Vilar.

  • 0

Quinta visita teatralizada ao Casco Histórico da Guarda

Este xoves día 16 de agosto, A Guarda oferta a quinta cita da programación de visitas teatralizadas ao Casco Histórico, iniciativa que se repite semanalmente os xoves ás 21:00 h durante todo o verán ata o 30 de agosto, e que congregan a unha gran cantidade de participantes. A iniciativa que este año poñíase en marcha por primeira vez foi, dende o primeiro día, todo un éxito de participación ao gozar, veciñanza e visitantes, dunha ocasión única para coñer a historia da Guarda dun xeito ameno e divertido.

  • 0

Presentación na Guarda de «El abrazo del Sauce» de May Ferreira

O Centro Cultural da Guarda acolle, este xoves 16 de agosto ás 21 horas, a presentación do libro «El Abrazo del Sauce» de May Ferreira. No acto de presentación deste libro contarase coa presenza de Manuel Campo Vidal,  presidente da Academia de Televisión, xornalista, directivo en medios de comunicación e sociólogo; José Manuel Malheiro, profesor da Universidade da Coruña, doutor en Pedagoxía e Didáctica e Manuel Novás, arquitecto técnico e directivo.

  • 0
Suscribirse a este canal RSS