A Cañiza

Nava Castro subliña a importancia da Feira do Xamón da Cañiza

A directora de Turismo de Galicia, Nava Castro, puxo hoxe en valor o papel das festas de Interese Turístico de Galicia á hora de reforzar o atractivo da Comunidade durante o verán. Así o manifestou hoxe durante a presentación da 52 edición da Feira do Xamón da Cañiza, unha das celebracións galegas con este recoñecemento e da que subliñou a súa relevancia como unha das citas turísticas referentes do sur de Galicia.

  • 0

A Deputación rehabilitará a estrada Cañiza-Pousa cun investimento de máis de 578.000 euros

A Deputación de Pontevedra, a través do departamento de Mobilidade, xa ten listo e en fase de contratación o proxecto para rehabilitar de xeito integral o firme da estrada provincial EP-5005 A Cañiza-Pousa co fin de mellorar a seguranza viaria. Segundo explica o deputado Uxío Benítez, nunha reunión mantida co alcalde de A Cañiza recentemente acordouse que a Deputación melloraría a plataforma da estrada ao longo de 12,3 quilómetros de lonxitude circunscribíndose ao trazado existente.

  • 0

«Limiar Teatro» leva a adaptación de «Anagnórise» á Cañiza

A Casa da Cultura da Cañiza acolle ás 16 horas do vindeiro luns a terceira representación de «Anagnórise», das dez que Limiar Teatro levará pola provincia no marco do Ano da Lingua da Deputación de Pontevedra. A obra, que está indicada para público maior de 14 anos, baséase nunha das obras máis coñecidas de María Victoria Moreno, a autora homenaxeada este ano no Día das Letras Galegas.

  • 0

Carmela Silva invita ao alumnado da Cañiza a unha "loita conxunta contra o machismo"

A presidenta da Deputación de Pontevedra, Carmela Silva, acompañada polo alcalde da Cañiza, Miguel Domínguez, e a deputada de Cohesión Social, Digna Rivas, asistiu este luns á décima intervención artística do programa «Mulleres en Acción. Violencia Zero», unha iniciativa que ten por obxectivo darlle visibilidade á loita contra as violencias machistas así como dar a coñecer o traballo de novas artistas contemporáneas que están a traballar a prol da igualdade.

  • 0

A Xunta reforza os coidados profesionais a dependentes no Concello da Cañiza

O conselleiro de Política Social, José Manuel Rey Varela, acompañado da directora xeral de Maiores e Persoas con Discapacidade, Fabiola García Martínez, desprazouse á Cañiza co obxectivo de coñecer máis polo miúdo, e sobre o terreo, o nivel de desenvolvemento dos recursos e programas en materia social nos que colaboran as administracións autonómica e local. O conselleiro abordou esta cuestión nunha xuntanza de traballo co alcalde da devandita localidade, Miguel Adolfo Domínguez Alonso.

  • 0

A Cañiza mellora a rúa Progreso con 75.000 euros do «Plan Hurbe»

O delegado territorial da Xunta en Pontevedra, José Manuel Cores Tourís, visitou o concello da Cañiza para comprobar as actuacións de mellora executadas rúa Progreso deste municipio grazas ao «Plan Hurbe» da Consellería de Medio Ambiente e Ordenación do Territorio. Na visita o delegado estivo acompañado do alcalde da localidade, Miguel Domínguez, así como do xefe territorial de Medio Ambiente en Pontevedra, José Manuel González.

  • 0
Suscribirse a este canal RSS