«III Raid do Condado-Marqués de Vizhoja»

O Concello da Cañiza acolleu a presentación do Raid do Condado-Marqués de Vizhoja, Campionato de España de Raids de Avenuras, organizado polo Club Cornelios, www.cornelios.es, que se celebrará o fin de semana, 15 e 16 de setembro, nos concellos de Salvaterra de Miño, A Cañiza, As Neves e Arbo.

  • 0

Ariana González e Brais Misa, gañadores do «DepoDesafío 2018» da Cañiza

O concello da Cañiza gozou este domingo 26 de agosto dun bonito trail encadrado no “DepoDesafío 2018” da Deputación de Pontevedra. Cun éxito de participación, récord ata o momento no reto deportivo da institución provincial, na meta impuxéronse Ariana González e Brais Misa. A proba, unha carreira a pé que atravesou os montes da Cañiza cun percorrido duns quince quilómetros, foi a terceira parada do “DepoDesafío 2018” da Deputación de Pontevedra despois da carreira entre Tomiño e A Guarda e a travesía a nado no Grove.

  • 0

A Deputación abre en Arbo un servizo para actualización do padrón do lixo

A Deputación de Pontevedra vai colaborar co concello de Arbo para habilitar no municipio, a partir deste luns, un servizo provisional de atención ao público para que veciños e veciñas poidan tramitar máis facilmente as súas consultas, demandas ou aclaracións sobre o procedemento de actualización do padrón do lixo que se está realizando na vila, a petición do concello, que ten delegada a xestión desta taxa municipal no Servizo Oral.

  • 0

Educación realizará obras de mellora da fontanería no CEIP Antonio Carpintero de Arbo

A Concellería de Educación da Xunta de Galicia, a proposta do alcalde de Arbo, Horacio Gil, desenvolveu traballos de mellora na fontanería do CEIP Antonio Carpintero. Os traballos consistiron na reforma das canalizacións do centro que presentaban deficiencias que era preciso solucionar. Ademais destas obras, a Xefatura Territorial de Cultura e Educación leva acometidas outras melloras no centro como son a reposición da carpintería, a reparación da cuberta, a reposición de cristais, a substitución de ventas e a reforma da calefacción, mellora en toda a instalación electrica....

  • 0

Arbo celebra con música, comida e baile a Festividade de San Roque

Arbo prepárase para celebrar a festividade de San Roque na Carballeira de Turbela. O programa vén cargado, coma sempre, de actividades musicais, comidas, bailes e xogos. Ás 10.00 horas haberá pasarrúas coa Banda de Música Municipal de Arbo, ás 11.00 horas procesión dende a igrexa parroquial ata a Carballeira onde ás 11.30 horas oficiarase a misa solemne de campaña cantada pola Coral Polifónica de Arbo.

  • 0

Cine na rúa e Festa da Escuma en Arbo

O concello de Arbo continúa desenvolvendo o seu «Verán Cultural 2018», un programa cheo de eventos ao aire libre para maiores e pequenos. Como antesala á festividade de San Roque, mañá martes, 14 de agosto, haberá unha sesión de cine ao aire libre coa proxección da película «Cazafantasmas» ás 22 horas na Praza Consistorio, mentres que o mércores volve un evento moi esperado, a «Festa da Escuma», ás 21:30 tamén na Praza Consistorio.

  • 0
Suscribirse a este canal RSS